top of page
Փետրվարի 18-ին, Մոսկվայի Հայկական թատրոնի «Լույսմարի։ Ձոն ուրախության» ներկայացումից առաջ, «Հանրայինի դեսպաններ» նախագծի շրջանակներում ցուցադրվեց «Թատերաշրջան. Տիկնիկային թատրոն» հեռուստանախագիծը։ Նախագիծը ներկայացրեց Մոսկվայում Հանրայինի դեսպան ՝ Նվարդ Մնացականյանը։
Մարտ 8-ի՝ Բեյրութում,Կիներու միջազգային օրուան առթիւ, Մխիթարեան վարժարանի ՄԱԿ-ի կրթութեան, գիտութեան և մշակոյթի կազմակերպութեան՝ UNESCO-ի ծրագիրներու պատասխանատուի եւ հայերէն լեզուի բաժնի համագործակցութեամբ, ուսանողներ դիտեցին Հայաստանի Հանրային Հեռուստակայանի Առաջին Ալիքի (Հ1) բարձրորակ արտադրութեամբ յատուկ նախագիծերէն՝ հայ թագուհիներուն նուիրուած «Թագադիրներ» ֆիլմաշարէն «Ռազմիկ արքայուհին» հաղորդումը, որուն ընդմէջէն ուսանողներ ծանօթացան հայոց թագուհիներու արտակարգ ռազմական սխրանքներուն մասին, որուն որպէս արդիւնք վերարժեւորուեցաւ հայ կնոջ կերպարը։ Յատկանշական է որ այս հաղորդումին մէջ գեղեցիկ զուգադիպութեամբ մը գործածուած էին նաեւ Վենետիկի Մխիթարեան Միաբանութեան հաւաքածուներու լուսանկարները։
Հունվարի 21 - ին, Մոսկվայի Հայկական թատրոնի «Վա՜յ, վա՜յ, կամ վոյաժ հայկական ձևով» ներկայացումից առաջ տեղի ունեցավ միջոցառում՝ նվիրված Սերգեյ Փարաջանովի 99 ամյակին։
Միջոցառման ընթացքում Մոսկվայում Հանրայինի դեսպան Նվարդ Մնացականյանը ներկայացրեց Հանրային հեռուստատեսության «Ճանապարհ դեպի թանգարան։ Փարաջանով» նախագիծը
Ֆրանսիայի Լեոն քաղաքում «Հանրայինի դեսպան» Անահիդ Բոյաջյանը այցելել է Ռոն Ալփ ռեգիոնում գործող Մարտուն Էլբակյանի անվան հայկական դպրոց, ինչպես նաև Լեոնում գտնվող Մարգարեան Փափազեան դպրոց։
Դպրոցների աշակերտները, մեծ ոգևորությամբ դիտեցին «Սասունցի Դավիթ» մուլտֆիլմը։ Դպրոցների հետ պայմանավորվածություն է ձեռքբերել պարբերաբար կազմակերպել նմանօրինակ դիտումներ։
Հանրային հեռուստաընկերության «Հանրայինի դեսպանները» ծրագրի շրջանակում Ռուսաստանում Հայաստանի դեսպանության մշակույթի կենտրոնում տեղի ունեցավ միջոցառում նվիրված ՀՀ վաստակավոր արտիստ, երջանկահիշատակ Հայկոյին:
Միջոցառման ընթացքում սիրված երգիչների կողմից հնչեցին կատարումներ նվիրված Հայկոյի հիշատակին:
Ցուցադրվեցին արխիվային կադրեր սիրված երգչի ստեղծագործական և անձնական կյանքից
Հանրային հեռուստաընկերության «Հանրայինի դեսպանները» ծրագրի շրջանակում Ռուսաստանի Սարատով քաղաքում տեղի ունեցավ «Մեր ճանապարհը դեպի անկախություն» վավերագրական ֆիլմի ցուցադրումը:
Ֆիլմում ներկայացվում է Հայաստանի՝ Խորհրդային Միության կազմից դուրս բերումը, ժողովրդի ձգտումն անկախության նկատմամբ։Հանրային հեռուստաընկերության դեսպան՝ Եվա Աղաքարյանի նախաձեռնությամբ կազմակերպված միջոցառումը անցավ ջերմ մթնոլորտում: Ֆիլմը հետաքրքրեց ոչ միայն ավագ սերնդին, այլ նաև հանդիսասրահում ներկա գտնվող պատանիներին:
Ֆիլմի ցուցադրությունից հետո, հանդիսատեսը հուզված էր, քանի որ շատերի համար ֆիլմը «ժամանակի մեքենա» էր դեպի անցյալ: Հանդիսասրահում ներկաներից մեկը ֆիլմի կադրերում տեսավ իրեն: Հանրայինի դեսպան Եվա Աղաքարյանը խոստացավ, որ Հանրային հեռուստաընկերության հետ միասին, առաջիկայում ևս կիրականացվեն տարբեր միջոցառումներ:
bottom of page