top of page
Փետրվարի 10-ին Հանրայինի դեսպան Լենա Հովիվյանը հանդիպել է Ավստրիայում Հայաստանի Հանրապետության դեսպան Արմեն Պապիկյանի հետ։ Լենա Հովիվյանը ծանոթացրել է դեսպանին "Հանրայինի Դեսպաններ" նախաձեռնությանը և քննարկել առաջիկա աշխատանքները։ Դեսպան Պապիկյանը ողջունել է ծրագրի նախաձեռնությունը եւ աջակցելու պատրաստակամություն հայտնել։
Ֆրանսիայի Վիեն քաղաքում տեղի ունեցավ միջոցառում նվիրված Գորիս-Վիեն քաղաքների համագործակցության 30 ամյակին։ Քաղաքապետարանի և Վիեն-Գորիս ասոցիացիայի կողմից կազմակերպվել էր հանրային տոնախմբություն։ Այս արարողությանը մասնակցելու էին եկել բազմաթիվ հյուրեր։ Հանրային Հեռուստաընկերության դեսպան Անահիդ Բոյաջյանը ելույթ ունեցավ միջոցառմանը և ներկայացրեց Գորիս քաղաքի մասին կադրեր, որոնք տրամադրել էր Հանրային հեռուստաընկերությունը։ Քննարկվեցին հետագա համագործակցության ձևաչափեր։
Վրաստանում Հանրայինի դեսպան Սոնա Տոնականյանը հանդիպում է ունեցել Վրաստանում Հայաստանի հանրապետության դեսպան Աշոտ Սմբատյանի հետ։ Հանդիպումը տեղի է ունեցել հոկտեմբերի 7֊ին Վրաստանում Հայաստանի դեսպանատանը։ Հանդիպման ընթացքում հանրայինի դեսպանը ներկայացրել է իր առաջիկա գործունեության շրջանակը եւ նպատակները։ Դեսպան Սմբատյանը ողջունել է հանրայինի նախաձեռնությունը՝ տարբեր երկրներում իր դեսպաններն ունենալու եւ պատրաստակամություն հայտնել աջակցելու հանրայինի դեսպանին։
Մոսկվայում Հանրայինի դեսպան Նվարդ Մնացականյանը հանդիպում է ունեցել Մոսկվայի Հայկական թատրոնի գեղարվեստական ղեկավար՝ Սլավա Ստեփանյանի և նրա օգնական՝ Նելլի Շահբազովայի հետ։Թատրոնի ղեկավարները ողջունել են Հայաստանի Հանրային հեռուստատեսության նախագիծը։Հանդիպման ընթացքում քննարկվել են Մոսկվայի Հայկական թատրոնի և Հանրայինի համագործակցության հնարավոր տարբերակները։
Աթենքում Հանրայինի դեսպան Մարիա Մարկոսյանը հանդիպել է Հունաստանի հայ կաթողիկե ժողովրդապետ Հովսեփ Թ.Ծ.Վ. Պեզազյանի հետ։ Գերապայծառը մեծ ուրախությամբ ընդունել եւ ողջունել է հայրենիք-սփյուռք համագործակցության շրջանակներում իրականացվող «Հանրայինի դեսպան» նախաձեռնությունը։ Հանդիպման ընթացքում Մարիա Մարկոսյանը ներկայացրել է ծրագիրը եւ քննարկել են առաջիկա գործունեության մանրամասները։
Հանրայինի դեսպաներ ծրագրի շրջանակում Արթուր Արզոյանը հանդիպեց Ֆրանսիայում Առաքելական եկեղեցու Թեմի Առաջնորդ Հոգեշնորհ Տեր Գրիգոր Վարդապետ Խաչատրեանի հետ։ Հանդիպումը անցավ ջերմ մթնոլորտում: Տեր Գրիգոր Վարդապետ Խաչատրեանը ողջունեց այս հիանալի նախագիծը եւ հայտնեց իր պատրաստակամությունը համագործակցել եւ էլ ավելի հասանելի դարձնել ծրագիրը համայնքում։
Ֆրանսիայում Հանրայինի դեսպան Անահիտ Բոյաջյանը որպես հյուր հրավիրված էր Radio AypFm: Եթերի ընթացքում Անահիտը խոսեց «Հանրայինի դեսպաններ» ծրագրի մասին, ներկայացրեց ծրագրի մանրամասները և առաջիկա նպատակները:
ԱՄՆ-ում Հանրայինի դեսպան Արթուր Մանուկյանը հանդիպել է Հյուսիսային Ամերիկայի Արևմտյան Թեմի առաջնորդ Գերշ.Տ. Թորգոմ Ս. Եպս. Տօնոյեանի հետ: Սրբազան Հայրը շնորհավորել է Արթուր Մանուկյանին՝ Հանրայինի դեսպան ընտրվելու կապակցությամբ՝ հույս հայտնելով, որ այս ձեւաչափը նոր ազդակ կհաղորդի Սփյուռքի և Հայաստանի միջև կապերի խորացմանն ու ամրապնդմանը։ Արթուր Մանուկյանը իր հերթին շնորհակալություն է հայտնել իրեն հյուրընկալելու համար եւ ներկայացրել առաջիկա նախագծերը, որոնք պատրաստվում է, որպես Հանրայինի դեսպան, իրականացնել Միացյալ Նահանգներում: Քննարկման ընթացքում պայմանավորվածություն է ձեռք բերվել ուսումնասիրել փոխհամագործակցության հնարավորությունները՝ համատեղ ծրագրեր իրականացնելու նպատակով:
Տեղի է ունեցել Ավստրիայում Հանրայինի դեսպան Լենա Հովիվյանի առաջին հանդիպումը Վիեննայի Հ. Շիրազի անվան հայկական շաբաթօրյա դպրոցի տնօրեն` տիկին Մարինե Սադոյանի հետ։ Հանրայինի դեսպանը ներկայացրել է ծրագիրը, միասին քննարկել են համագործակցության ձևաչափը, ինչպես նաև առաջիկա միջոցառումները։ Այնուհետև տնօրեն Սադոյանը ծանոթացրել է դեսպան Հովիվյանին դպրոցի հետ, որտեղ սովորում են շուրջ 160 աշակերտ։ Լենա Հովիվյանը խոսել է ուսուցիչների և աշակերտների հետ, պատմել "Հանրայինի Դեսպաններ" ծրագրի մասին։ Աշակերտները մեծ ոգևորվածությամբ լսել են կայանալիք միջոցառումների մասին և կիսվել իրենց ցանկություններով և մտքերով։ Դպրոցին կից գործում է նաև շաբաթօրյա մանկապարտեզ։ Փոքրիկները ջերմությամբ են ընդունել մեր դեսպանին և ուրախությամբ սպասում են միջոցառումներին։
Հոկտեմբերի 24 -ին Մոսկվա քաղաքում Հանրայինի դեսպան Նվարդ Մնացականյանը հանդիպել է Ռուսաստանում Հայաստանի Հանրապետության դեսպանատան Մշակութային կենտրոնի ղեկավար՝ Վլադիմիր Գաբբեի հետ։ Հանդիպման ընթացքում Հանրայինի դեսպանը Վլադիմիր Գաբբեին ներկայացրել է «Հանրայինի դեսպաններ» նախագծի հիմնական գաղափարն ու նպատակները, քննարկվել են համագործակցության հնարավոր տարբերակները։ Վլադիմիր Գաբբեն ողջունել է նախագիծն ու իր աջակցությունը հայտնել Մոսկվայում Հանրայինի դեսպանին։
Այսօր կայացավ Ֆրանսիայում Հանրային հեռուստաընկերության դեսպան` Արթուր Արզոյանի հանդիպումը Փարիզի «Դպրոցասեր» կրթահամալիրի տնօրեն` Հայկ Սարգսեանի հետ:
Վարժարանը հիմնադրվել է 1879 թվականին:
Այն ֆրանսիական պետական կրթահամակարգում գրանցված, ֆրանսահայ համայնքի հիմնական ամենօրյա 8 դպրոցներից մեկն է:
Գործում են նաև մշակութային բազմաթիվ խմբակներ:
Տեղի ունեցան երկողմանի առաջարկների քնարկումներ: Դիտարկվեցին Հանրային հեռուստաընկերության «Հանրայինի դեսպանները» ծրագրի և «Դպրոցասեր» կրթահամալիրի համագործակցության հնարավոր ձևաչափերը:
Լիոնում Արցախի ազգային նվագախմբի համերգի ժամանակ Ռոն Ալպեր շրջանի ողջ հայ համայնքը (600 հոգի) հրավիրված էր Օվերն-Ռոն-Ալպեր շրջանի նախագահ պարոն Լորան Վաուկեսի (Laurent Wauquiez) կողմից։
Այս առիթով Ֆրանսիայում և, մասնավորապես, Ռոն-Ալպեր տարածաշրջանում հանրայինի դեսպան Անաիդ Բոյաջյանը հանդիպեց Լորան Վաուկեսին:
Լորան Վակուեսը շնորհավորհեց Անաիդ Բոյաջյանին հանրայինի դեսպան դառնալու կապակցությամբ և նշեց, որ առաջին ալիքի «Հանրայինի դեսպաններ» ծրագիրը հետաքրքիր է, և կցանկանար կրկին հանդիպել նախագծի մանրամասները և համագործակցության հնարավոր ձևաչափերը քննարկելու համար:
Լորան Վաուկեսը մշտապես ներգրավված է եղել Արցախի ճանաչման համար մղվող պայքարում:
Կայացավ, Ֆրանսիայում Հանրային հեռուստաընկերության դեսպան` Արթուր Արզոյանի հանդիպումը «Սուրբ Մեսրոպ- Արապեան» կրթահամալիրում: Հանդիպմանը ներկա էին, վարժարանի հայերենի համադրող` տիկին Նորա Սարաֆեան Թաշճեանը եւ հայերնի ուսուցիչ` պարոն Հրայր Եսայեանը:Վարժարանը հիմնադրվել է 1978-ին, գտնվում է Փարիզից ոչ շատ հեռու, հայաշատ Ալֆորվիլի Կոմիտաս փողոցի, ներկայիս ծխական համայնքին պատկանող հողատարծքի վրա: Այն ֆրանսիական պետական կրթահամակարգում գրանցված, ֆրանսահայ համայնքի հիմնական ամենօրյա 8 դպրոցներից մեկն է, որտեղ իրականացվում է երկլեզու կրթություն: Բացի հայոց լեզվից եւ հայ գրականությունից, հայերենով է դասավանդվում նաեւ պատմության եւ քաղաքակրթության դասաժամերը:Գործում են նաեւ հայկական մշակութային բազմաթիվ խմբակներ, որը շատ կարեւոր է հայապահպանության մեծ գործում:Ջերմ մթնոլորտում տեղի ունեցավ երկողմանի առաջարկների քնարկումներ: Ձեռք բերվեց աշխատանքային համագործակցության համաձայնություն, որը միտված է հայապահպան և հայանպաստ մշակութային գործունեություն ծավալելու եւ ապագա սերնդի հայեցի դաստիարակության գործին:Մեր խորհին շնորհակալությունն ենք հայտնում «Սուրբ Մեսրոպ-Արապեան» կրթահամալիրի տնօրինությանն ու անձնակազմին։
bottom of page